Please note that due to very high demand, I have extended my fall lecture tour -
*Game of Pawns: The Middle East 2017 *
I will now be in North America from September 26 - December 6, 2017

Please feel free to CONTACT ME or +972-505-409-905. I look forward to hearing from you - and hopefully seeing you soon!

A Liberal Egyptian Writes to feenjan.com السيد مؤمن مفكر ليبيرالي وتنويري مصري يكتب مقال لموقع فنجان ליבראל מצרי כותב מאמר לאתר פנג’אן בנושא השלום בין ישראל ומצרים

إسرائيل…..عدو ولا حبيب؟

موضوع إسرائيل من المواضيع ذات المذاق الخاص فى مصر المحروسة وينقسم فيها الناس الى 3 اقسام

قسم يرى انها عدوا مبين لايجب حتى ذكر اسمة ويكتفى بالاشارة الية بالعدو الصهيونى او الكيان الغاصب كأن ذكرها حينجس اللسان او ان عدم ذكرها سيمحوها من الخريطة ويحلمون بيوم اعلان الجهاد او الكفاح على حسب الايديولوجيا لرميها فى البحر وتحرير فلسطين من البحر الى النهر.

وقسم ثانى يرى انها دولة صديقة وحبيبة فهى رمز التقدم والعلم وهى قطعة من اوربا وصلت الى جوارنا فلازم نستفيد من هذه الفرصة ونوطد علاقتنا بها عشان نستفيد من هذا التقدم العلمى وتساعدنا فى القيام بنهضة علمية فى بلدنا المحروسة وانا هنا طبعا لا انكر التقدم العلمى الذى وصلت الية اسرائيل وجعل احد علمائها يحصل على نوبل الفيزياء هذا العام

اما القسم الثالث وهم معظم ابناء الشعب المصرى فنظرتهم الى اسرائيل هى نظرة يا نحلة لا تقرصينى ولا عايز عسلك او صباح الخير يا جارى انت فى حالك وانا فى حالى بمعنى ميحبوش يكون فى تطبيع مع اسرائيل وعلاقات طبيعية ولكن فى نفس وقت معندهمش استعداد يحاربوا تانى خلاص رافعين شعار “يروحوا يحرروا ارضهم زى احنا ما حررنا ارضنا” لا قومية ولا اسلامية ولا حاجة خالص تفكير مصرى بحت احيهم علية

مع احترامى لوجهات النظر التلاتة اسمحولى اختلف معاكم كلكم لية؟

اولا: لية اسرائيل عدوة مصر؟ وانا بعيد تانى مصر اية سبب العداء اللى بين مصر واسرائيل؟ اية الخطر اللى بتمثلة اسرائيل على مصر؟ ايه الأهم للامن القومى المصرى وحدة السودان ولا وحدة فلسطين؟ هل ممكن اسرائيل تحتل مصر؟ هل تريد اسرائيل عداوة مصر ام صداقتها؟

ثانيا: حسيبة للاخر

ثالثا: موقف الحياد الذى يقوم به الشعب المصرى اعتقد انه ناتج من حالة تشتت نفسى بين الخطاب الدينى والقومى الذى ينهال على المواطن المصرى يوميا متهما كل من يقول صباح الخير لمواطن اسرائيلى بانة مطبع وخائن ومرتد ومفرط وربنا حيولع فية وفى ابوة واللى جابوة وفى نفس الوقت هو داخليا رافض فكرة الحرب وما ينتج عنها من خراب ودمار وموت(الأخيرة دى شوفتها على مدار29سنه فى جدتى اللى فقدت اصغر ابنائها فى اكتوبر) فانت تستطيع فى جلسه واحدة ومع نفس الشخص تسمعه يلعن ابو خاش اللى جابو اسرائيل وفى نفس الوقت يدعوا للسادات الذى جنبنا ويلات الحرب ويردد الجملة الشهيرة

فقرار الناس اتخاذ هذا الموقف لضرب عصفورين بحجر واحد ترييح الضمير والسلامة من الحرب لكن اذا كان هذا الموقف من الممكن قبولة شعبيا فعلى المستوى الرسمى لا يمكن قبولة لان اسرائيل ليست جزيرة منعزلة فى المحيط الهادى انها جارتنا الشرقية وبالتالى فهذا الموقف لا يمكن حتى التفكير فية على مستوى الدولة

الموقف الثانى وهو الاصعب لأنة بينة وبين رائى شعرة فالعلاقات بين الدول لا يوجد فيها صحبية واخوة ومحبة فى مصلحة فقط لاغير حتدينى اية عشان اديك اللى انت عايزة؟ نفع واستنفع وبالتالى ففكرة ان اسرائيل تدينا تكنولوجيا وتساعدنا فى البحث العلمى وتفتحلنا سكك فى امريكا لو وقفنا على شعر راسنا مش حتتفتح لان المفتاح فى تل ابيب مش فى واشنطن كل دة كلام رومانسى مش بيحصل غير بين اتنين حبيبة اعدين تحت الشجرة يبوسوا بعضا

ولا لازم نقول ان اسرائيل مش زى العرب عايشة يوم بيوم لكن دى دولة بتخطط لخمسين سنة قدام وعارفة ان عاجلا او اجلا سوريا حتوقع وقصة فلسطين حتخلص والعرب حيعترفوا بيها علانيا والتعامل مع العرب حيبقى فوق الترابيزة مش تحتها زى دلوقتى

فى هذا الحالة اية الافضل لاسرائيل مصر قوية ولا مصر ضعيفة؟

اعتقد ان مصر ضعيفة هو افضل لاسرائيل لان ضعف مصر حيديها الفرصة تاكل تورتة الشرق الاوسط كلها لوحدها وتشرب بترول الخليج فى صحة امريكا لوحدها واستثمارات من المحيط للخليج ومستشارين من طنجة الى بغداد ومشاريع سياحية من اللاذقية الى بورسودان فإسرائيل تعلم ان مصر القوية هى الوحيدة القادرة على منافسة اسرائيل فى المنطقة وهى الوحيدة التى فى حاله استغلال امكانيتها يمكن ان تحجم الدور الاسرائيلى فى المنطقة فبالتالى ليس من مصلحة اسرائيل وجود مصر قوية ممكن تكون مصر المستقرة مفيده لاسرائيل ولكن ليس القوية

وهنا اعتقد اننا ممكن نزود موقف رابع وهو ان اسرائيل منافس لمصر ليست عدو ولاحبيب ولا مجرد جارة

وعلى هذا الاساس يجب ان نفكر كيف سنستعد للشرق الأوسط الجديد حيث تقيم كل الدول العربية علاقات طبيعية مع اسرائيل يبيعوا ويشتروا ويتفسحوا ويتجوزوا والدنيا تبقى غير الدنياحيكون اية العمل؟

حنقف نتفرج وننعزل مع نفسنا؟

حنقبل بدور التابع لاسرائيل زى باقى دول الشرق الاوسط؟

حنلامض ونقضيها فهلوة زى ما اتعودنا؟

ولا حنفضل نغنى ثوار يا عرب ثوار

Leave a Reply

Your email address will not be published. Required fields are marked *

Members Area

 

Yes, I´m interested in being the first to know when the
AviMelamed.com membership dashboard opens.

* indicates required

 

Learn more
Newsletter X

Join my mailing list to be the first to know about my appearances, events and lecture tours!

Join my mailing list to receive my Intel Briefs straight to your inbox!